Առաջին դասարանի ուսուցչուհի միսս Բիննին բոլորովին չարացած պառավ մի լեդի էր: Դասարանը լիքն էր փոքրիկ տղաներով ու աղջիկներով: Առաջվա պես ինչ-որ օտարոտի ու սրտնեղիչ հոտ էր գալիս:
Նա լսում էր, թե ոնց է ուսուցչուհին անունները տալիս՝ Չարլզ, Օլվին, Էրնըստ, Նորման, Բետտի, Հաննա, Ջուլիետ, Վիոլա, Պոլլի:
Նա ուշադիր լսում էր, և ահա միսս Բիննին ասաց.
— Հաննա Վինտեր, այդ ի՞նչ ես ծամում:
Ջիմը տեսավ, թե ոնց Հաննա Վինտերը կարմրեց: Հաննա Վինտերն իսկույն դուր եկավ նրան:
— Ծամոն,- ասաց Հաննան:
— Գցիր աղբարկղը:
— Ջիմը տեսավ, թե ոնց փոքրիկ աղջիկը գնաց դեպի դռան մոտի անկյունը, ծամոնը հանեց բերանից ու գցեց աղբարկղը:
Նա լսեց, թե ինչպես միսս Բիննին ասաց.
— Էռնըստ Հասկին, իսկ դու ի՞նչ ես ծամում:
— Ծամոն,- ասաց Էրնըստը:
Էրնըստը իսկույն դուր եկավ Ջիմին:
Նրանք հանդիպեցին դպրոցի բակում, և Էրնըստը զանազան զվարճալի բաներ սովորեցրեց Ջիմին:
Էմին նախասենյակում սպասում էր դասերը վերջանալուն: Նա մռայլ կիտել էր հոնքերը և չարացած էր ամենքի դեմ, մինչև որ տեսավ Ջիմին: Նրան ապշեցրեց, որ տղան բնավ չի փոխվել, որ նա ողջ առողջ է, ոչ ոքի չի սպանել ու չի հաշմել նրան: Դպրոցը և այն ամենը, ինչ կապված էր դրա հետ, մահու չափ վախեցնում էր Էմիին: Նա բռնեց տղայի ձեռքը և դուրս եկավ դպրոցից հպարտ ու բարկացած:
Ջիմն ասաց.
— Հինգ ու մեկը ինչքա՞ն կանի:
— Վեց:
— Երեսիդ մուր քսվեց:
Ընթրիքի ժամանակ հայրը լուռ նստել էր:
— Հինգն ու մեկը ինչքա՞ն կանի,- ասաց տղան:
— Վեց,- ասաց հայրը:
— Երեսիդ մուր քսվեց,- ասաց Ջիմը:
Առավոտյան նա հորից հինգ սենթ խնդրեց:
— Փողն ինչիդ է հարկավոր,- հարցրեց հայրը:
— Ծամոնի համար,- ասաց տղան:
Առաջադրանքներ
- Մգեցրած բառերի բացատրությունները բառարանից դուրս գրիր և սովորիր։
հաշմել – . [ներգործական բայ] Հաշմ դարձնել:
2. (փոխաբերական) Փչացնել, խաթարել:
3. [չեզոք բայ] (հնացած) Հաշմանալ:
ապշեցնել – [ներգործական բայ] Ապշել -ի:
1. Ապշության հասցնել, ապշության վիճակի մեջ գցել:
3. (փոխաբերական) Սպստիկ՝ զարմացնել, շշմեցնել:
զվարճալի – [ածական]
1. Զվարճացնող, ուրախ:
2. Բավականություն պատճառող, հաճելի, ախորժելի:
3. Ծիծաղաշարժ:
4. Պարզ, ջինջ:
5. Տե՛ս Զվարճալից:
օտարոտի – ածական]
1. Օտար, օտարական:
2. Օտարին հատուկ՝ վերաբերող:
3. Ոչ սովորական, տարօրինակ:
4. Արտակարգ, բացառիկ:
5. Անսովոր, անբնական, կասկածելի:
6. Խորթ, օտար, օտարացած: - Գրիր մեկական նախադասություն տեխստի մգեցված բառերից յուրաքանչյուրով։
Նա նոր էր տեղափոխվել այդ դպրոց, և ամեն ինչ օտարոտի էր։
Այդ խաղալիքը ապշեցրել էր ինձ ։
Քույրիկս հաշմել էր իմ սմարթֆոնը։
Ես գնացի զվարճալի տեղ։ - Դեղինով նշված բառերը բառակազմորեն վերլուծեք, դրանց արմատներից որևէ մեկո վ կամ երկուսով նոր բառեր կազմեք։
նախասենյակում = նախ + ա + սենյակ ննջասենյակ, նախարար
աղբարկղը = աղբ + արկղը աղբատար, փոստարկղ
սրտնեղիչ = սիրտ + նեղիչ սրտացավ - Ինչպե՞ս էր տնտեսուհի Էմին սպասում Ջիմին։
Էմին մռայլ ու չարացած սպասում էր Ջիմին։ - Արդյոք Ջիմը հավանեց դպրոցը, ինչո՞ւ։
Կարծում եմ Ջիմը չհավանեց դպրոցը, քանի որ ուսուցչուհին չար էր և ամեն ինչ օտարոտի էր։ - Ինչպիսին էր Ջիմի ուսուհին։
Շատ ջղային էր և չար։ - համեմատիր քո առաջին ուսուցչուհուն Ջիմի առաջին ուսւոցչուհու հետ։
Իմ առաջին ուսուցչուհին ընկեր Մարիամն էր։ Նա շատ բարի էր, իսկ Ջիմի ուսւոցչուհին շատ ջղային ու չար էր։